Friday, January 27, 2017

🌾பொங்கலோ பொங்கல்!!!🌾✨

புழுதி மணலில் புரண்டெழுந்து ,
பொழுது சாய்கையில் குழு சேர்ந்து ,
ஆலம் விழுதினில் அசைந்தாடி ,
காவிரி படுகையில் காவியம் பாடி ,
வைகையிலே வசந்தம் தேடி ,

தாமிரபரணியில் தாவிக்குதித்து ,
சிறுவாணியில் சிரித்து மகிழ்ந்து ,
வந்தோரை வாழவைத்து மகிழ்ந்த 
என் அருமை தமிழ் சொந்தங்கள் 
அனைவருக்கும் ,

மாவிலை தோரணமும் 
மஞ்சளிலே மகுடமும் 
வரவேற்க ,
சோலையிலே விளைந்த 
மெல்லிய நெல்மணிகள்
தகதக்க,

காலையிலே கறந்த 
காங்கயம் பசும்பாலோடு
ஆலையிலே வார்த்த
வெல்லம் இணைந்து ,

மண்பானை மணமனக்க
மகிழ்வு பொங்கி ..
தாவணி பெண்கள் 
மாமனை நோக்கமிடும் 
நொடிப்பொழுதினில் ..

சிறார்கள் பொங்கலோ பொங்கல் என 
ஆர்ப்பரிக்கும் இனிய இயல்புகள்
என்றும் தொடர இறைவனை 
வேண்டி வாழ்த்தும் 
உங்கள் கிராமத்தான் 
முரசொலி !!

Sunday, June 14, 2015

ஓஷ்டங்களின் ஓசையில் ஓவியக்குழலாய் !!!

அருகில் அமர்ந்து .. 

ஆசையில் ஆழ்ந்து ..

இருவரும் இசைந்து ..

ஈர்க்கும் ஈர்துருவமாய் ..

உயிரிலே உணர்வான..

ஊஞ்சலின் ஊண்ருகோலடி நீ !!!


எக்கணமும் என்நாடி நாடி ...

ஏகமும் ஏங்கவைத்து ஏகாந்தத்தில் ...

ஐந்தாண்டும் ஐவிரலி ஐக்கியநாதனாய் ...

ஒருகாலே ஒற்றை ஒய்யாரயிணையாய் ...

ஓஷ்டங்களின் ஓசையில் ஓவியக்குழலாய்...

ஔதசியமும் ஔடதமும் ஔபரிதிகமாய் ...

வாழும் என் வாழ்வுக்குச் சான்றான ..

அன்பு மனைவிக்கு ...

அளவில்லா முத்தங்களோடு ...

இனிய பிறந்தநாள் நல்வாழ்த்துக்கள் !!!



Thursday, June 11, 2015

இனிய பிறந்த நாள் நல்வாழ்த்துக்கள் !!!




உறவுக்கு உயிரூட்டிய ..
உங்களின் வருகை ... !!!
வாரிசுக்கு வரமான 
உங்களின் பிறவி ...!!!

இரு செல்வங்களாய் 
இந்நாளில் பிறந்து ...
நீங்கள் நிகழ்த்திய..
அத்தைனையும் அற்புதமே !!!

மனங்களில் மகிழ்வு..
கரங்களில் களிப்பு ..
முகங்களில் முத்தாய்ப்பு ..
தினம் தினம் தித்திப்பு ..!!!

காணாத விழிகளில் 
கரைந்தோடும் கண்ணீரில் ...
கவலைகளை கரையேற்றி ...
மகிழ்வுக்கு வித்தாய் ..
இந்நாளை ஏற்று ...

மனதாழமாய் ஊற்றெடுத்த ..
அன்பின் வெளிப்பாடாய் ...
ஆசை மாமாவின் அளவில்லா 
வாழ்த்துக்கள் உங்கள்  இருவருக்கும் !!!

எல்லா வளமும் பெற்று ...
அப்பா அம்மாவின் 
ஆசை செல்லங்களாய்..
அனைவரின் ஆசியோடு ...
நீண்ட ஆயிளோடு வாழ ...
எங்களின் பிறந்த நாள் நல்வாழ்த்துக்கள் ..!!!
 தியா  & தேவ்னா !!!

Wednesday, December 31, 2014

விழிகளின் விரதம் ...!!!



ஆழ்ந்த இரவினில்  
அந்நிய தேசத்தில் - என்  
விழிகளின் விரதம் ... !!! 

இமைகளின் ஏக்கமா ??? 
இதயத்தின் இடம் மாற்றமா ??? 
உயிரின் உரையாடலா ??? 
உணர்வின் உரு மாற்றமா ???  

இனியொரு பொழுதில் ... 
இனியவளோடு ... 
சத்தம் இல்லா நிலவொளியில் ...
நித்தம் அவளோடு ...
இயன்றவரை கதை பேசி ... 

அகம் நாடும் அவள் மடியில் ... 
பாதி முகம் புதைத்து ...
மீதி முகம் அவள் விரல்கள் தேடி ...  
விளையாடி விடை பெறட்டும் ..,
இந்த விழிகளின் விரதம்!!!!
விண் மீன்களின் வெட்கத்தோடு!!!!

Friday, November 14, 2014

குழந்தைகள் தின நல் வாழ்த்துக்கள் !!!



பாரதி சொல்லிய ...
வாழ்வின் சூத்திரமான  .. 
இந்த நடை முறைகளை ...
நாமும் நினைவு கூர்ந்து ...
நம் மழலைகளும் 
கடைப்பிடிக்க ...
முயல்வோம் முடிந்த வரை  ..
இந்த நாள் முதல் !!!

ஓடி விளையாடு பாப்பா...
நீ ஓய்ந்திருக்கலாகாது பாப்பா....!!!
கூடி விளையாடு பாப்பா - ஒரு
குழந்தையை வையாதே பாப்பா...!!!

பொய் சொல்லக் கூடாது பாப்பா - என்றும்
புறஞ்சொல்லலாகாது பாப்பா...!!!
தெய்வம் நமக்குத் துணை பாப்பா - ஒரு
தீங்கு வர மாட்டாது பாப்பா...!!!

காலை எழுந்தவுடன் படிப்பு - பின்பு
கனிவு கொடுக்கும் நல்ல பாட்டு...!!!
மாலை முழுதும் விளையாட்டு - என்று
வழக்கப் படுத்திக் கொள்ளு பாப்பா...!!!

கணிணியும் தொலைக்காட்சியும் ...
Cell-போணும் Tab-ம்மாய் ...
கூண்டுக்குள் அடைபட்ட 
கிளிகளாய் மாறிப்போன ...
குற்றம் கொடியது தான் ...!!!

வியர்வையே அறியாத ..
விட்டுகொடுப்பதை உணராத ...
வினோத மாயை உலகத்தில் 
உலாவும் நம் பிஞ்சுகளை .. 
வெம்பாமல் விளைய வைக்கவேண்டியது ...
நம் கைகளில் தானே !!!

உணர்ந்து உருவாக்குவோம் ...
சகலமும் அறிந்த ..
சகிப்புணர்வும் தெரிந்த ...
சரித்திர நாயகர்களை !!!

அன்பு வாழ்த்துக்களோடு ...
உங்களில் ஒருவன் ..
முரசொலி க 

Tuesday, November 4, 2014

உதடோரம் ஒற்றை நரை ...!!!


முதல் மீசை ... அவ்வளவு ஆசை !!!
பரவச மனது... பதினாறு வயசு !!!
ஆணாகி மிரட்ட ... அவசர மனு !!!
மங்கை மயக்க... தங்கை வியக்க !!!

களவாடிய அப்பாவின் பிளேடுகள் ..
கதறிய கண்ணாடியின் நாட்கள் ..
உதறிய ஓராயிரம் கோபங்கள் ..
பூத்த பலநூறு பருக்கள் .. 
பாத்த சிலநூறு பாவைகள் ...
வயது கோளாறு .. வாலிப வரலாறு !!!

கல்லூரி முடிய .. உள்ளூர பயம் ...
உள்ளூரில் இருக்காதே .. உருப்பட மாட்ட ...
புறப்பட்ட கால்கள் ... நிக்காமல் ஓடியது ...
ஒவ்வொரு தெருவும் .. நேர்முக தேர்வாம் !!!
சென்னையோடு ஒரு செல்பி புள்ள !!!

ஒருவேளை சாப்பாடு .. இருவேளை இடைவேளை .. 
மெல்ல மெல்ல எதோ ஒரு வேலை .. 
எல்லாம் சரியாக ... ஆறு வருடம் மினிமம் ஆச்சு ..
பாதி வாழ்க்கை ..கவலையில் போச்சு ..
மீதி வாழ்க்கை .. கனவிலே போச்சு ..!!!

வாய் தொடும் கிர்தா  .. குறுகுறுக்கும் குறுந்தாடி  ...
மேல் மீசை மிணுக்க ... கால்கட்டு போட ...
மாதவனாய் சில நாட்கள் .. மனைவிக்காக ..
சங்கட பட்ட சமயங்களில் ..சசிக்குமாராக ...
மறுபடியும் மீசை எடுக்காதே .. அங்கே அம்மா ...!!!
சேவ் பண்ணுனா என்னடா .... அப்பா அவ்வபோது !!!

பாட்டி இறந்தாலும் ... பங்காளி முறையில் ...
பதினோரு பேரு ... மேவாசை அது  குலவழக்கு ...
தாய்க்கு பத்து என பெத்துபோட்ட நம்மில் ....
பாடை தூக்க ஆள் இல்லையாம் ... 
ரதம் இருக்க ... நாம் எதற்கு .. ????
ஒரு சேய் போதும் .. இன்னொன்னு வேண்டாம் ...
இன்றைய தலைமுறையின் ஏளன பேச்சு !!!!

இடம் வாங்கி ... வீடு கட்ட ...
கடன் வாங்கி ...காடு வித்து  ..
நாம் வாழ்ந்த பூமி பிரிந்து ...
நாலு காசு சம்பாதிக்க ..
மனைவி அவள் சம்மதிக்க ...
பிள்ளை அவன் பிரிந்து அழ ..
நம் நாகரிகம் மறந்து ..
நாகரிகமாய் வாழ்க்கை !!!

முப்பதை தொட்ட நான் ...
முகத்தை உற்று பார்த்தால் ..
முதல் நரை .. மீசையில் மிக தெளிவாய் ...!!!
காலம் பொன் போன்றதாம் .. 
பொண் சேர்க்க வந்த எனக்கு..மறந்தே போச்சு !!!

வீட்டுக்கு அங்கே வெள்ளை அடிக்க ...
தலைக்கு இங்கே கருப்பு அடிக்க ..
காலம் கடந்து .. வாழ்வை வாழ ...
வழக்கமான போராட்டம் !!!

Wednesday, October 22, 2014

தீபாவளி திருநாள் வாழ்த்து!!!


அடம் பிடித்து ஆடை வாங்கி ..
அதில் சின்ன மஞ்சள் தொட்டு ...
அதிகாலை எண்ணெய் இட்டு ...
அம்மா குளிப்பாட்டி ..
ஆயா தலை துவட்டி ...
அப்பா ஆடை இட்டு ...
சித்தி சிகை செய்து ...
அத்தை அறுசுவையை ...
மாமா ஊட்டி விட  ...
தங்கையிட்ட கோலம் தாவி .. 
தாய் மண்ணில் தோழனோடு ...
தடாலடி வெடி வெடித்து ..
இளம் கன்றாய் இருந்த ...
மங்காத நிஜங்கள் ...
மனம் முழுதும் எப்பொழுதும் ...!!!

ஐந்து நாள் பதம் செய்து ...
இந்த நாள் இனிதிட்ட அதுரசம் ...
அர்த்த ராத்திரி குழி பனியாரம் ..
அம்புட்டு அழகாய் அத்தி பூ இட்லி ..
தொட்டுக்க ஆட்டு கறி..
நாக்கு நமக்க நாட்டு கோழி ..
ஆசை தீர ஆம வடை ..
ஏப்பம் வர ஆப்பம் கொஞ்சம் .. 
பால் பணியாரம் ... பஜ்ஜி வேறு ..
பாதி உறவுக்கு .. மீதி இரவுக்கு!!! 

அளவில்லாமல் அமுக்கி விட்டு.. 
அடிவயிற்றில் சுடு சாம்பலிட்டு..
ஆயா வீட்டு திண்ணையிலே ..
அசந்து தூங்கி .. அலறி எழுந்து ..
அழகாய் முடியும் அந்த தீபாவளி !!!

அளவான அஞ்சல் அட்டையில் ...
ஆர்ப்பரிக்கும் ஓவியம் தீட்டி ..
அன்பை பரிமாறிய ..
அமைதியான நாட்கள்.. நினைவில் ...!!!

அவசர உலகத்தில் ...
ஆங்காங்கே வாழ்ந்து கொண்டு ..
நானும் உன்  உறவு என உரக்க கத்தி .. 
மகிழ்வாய் வாழ்வோம் ...
தீபாவளி திருநாளில்  என வாழ்த்தும் ...

வடவன்பட்டி வாலிபன் ..
முரசொலி க 

எல்லாருக்குமே உங்கள் காதைக் கொடுக்கலாம். ஒரு சிலரிடம் மட்டுமே வாயைக் கொடுக்கலாம்.என் தளத்திற்கு வருகை தந்த நண்பர்களுக்கு நன்றி... உங்கள் கருத்துக்களை என் கவிதைக்கு தெரிவியுங்கள்...அதுவே என்னை வளப்படுத்தும்