பிறந்த நாள் நல் வாழ்த்துக்கள்!!! அன்பு செல்லத்துக்கு..!!!

என் அகம் நிறைந்த ...

அன்பு செல்லத்துக்கு..

அகவை நான்கு ... 

அளவில்லா சந்தோசம் பெற்று ..

நீண்ட ஆயுளோடு வாழ, என் இனிய 

பிறந்த நாள் நல் வாழ்த்துக்கள்!!!

மீண்டும் ஒருமுறை ...

உன்னருகில் நானில்லை .. 

விரைவில் வருகிறேன் ..

முடிந்த வரை அடி வாங்க !!!

கவிதை பஞ்சம் ..

கவினை கொஞ்ச !!! 

ஆதலால் நிழற்படம் ...

உனக்கு இங்கே சமர்ப்பணம் !!!

கண்ணில் காண 

வரம் கிடந்த நாட்கள்.. 

3டி தந்தது முதல் அச்சு ..

இரண்டாம் நாள்..

இன்ப விழிகள் ..!!!

நான்காம் நாள்...

நவரச பாவனைகள் !!!

இரண்டாம் மாதம்...

இயற்கை ரசித்தாய் ...!!!

மூன்றாம் மாதம் ...

முழுவதும் மாறினாய் ...!!!

நான்காம் மாதம்..

நகைச்சுவை உணர்த்தினாய் ...!!!

ஆறாம் மாதம் ...

அளவுகள் தகர்த்தாய்  ...!!!

ஏழாம் மாதம் ..

எழுந்து காண்பித்தாய் ...!!!

எட்டாம் மாதம் ...

எகிறி தொட்டாய் ...!!!

ஒன்பதாம் மாதம் ...

ஓயாமல் விளையாடினாய் ...!!!

பத்தாம் மாதம் ...

பந்துகள் விரும்பினாய் ...!!!

பதினோராம் மதம் ...

தக்காளி உன் விருந்தாளி !!!

குதிரை ஓடிக்கொண்டே இருக்கும் ...

"பாவமாம் அது" பசி அமர்த்திய 

பாரி வள்ளல் நீ !!!

உன் பறை முழக்கம்...

பத்து மைல் தகர்க்கும் ...!!!

உன் அரை உறக்கம் ...

அத்தனை முறை சாய்க்கும் !!!

ரயிலோடு பேசுவாய் ...

ராகத்தோடு பாடுவாய் ...

மேகம் பார்த்து கற்பனை ...

தாகம் தீர்க்க தென்னை !!!

இருப்பது அரை அடி ...

ஏறுவதோ ஏழு அடி ...!!!

மாந்தோப்பு அது

மரியாதை செய்ய ..

தென்னந்தோப்பு அது

உரிமையோடு உறவாட ...

நீயே ராஜா .... 

உன் பிள்ளையை ..

நீ ரசிக்கும் வரை  !!!

மட்டை பந்தில் 

துரத்தும் வீரன்... !!!

சைக்கிள் ரேசில் ...

சகலகலா வல்லவன் ..!!!

ஓட்ட பந்தயம் ...

ஓயாமல் ஜெயிப்பாய் ...!!!

உடற்பயிற்சி உடனே 

கற்றுகொண்டாய்... !!!

கிராமம் ரொம்ப பிடிக்கும் ...

ஆடு, மாடு ,கோழி , தோட்டம் ,

ஆற்று மணல் .. சேற்று தண்ணீர் ..

வியர்வை , வீரம் , விவேகம் ...

சொந்தங்கள் அன்பு , பந்தங்கள் பாசம் ...

அனைத்தும் ரசிக்கும் ரசிகன் நீ !!!

ஆங்கிலம் , அறிவியல் , கணினி ,

கடற்கரை , கடைகள் , 

ஆதலால் நகரமும்...

நல்லாவே பிடிக்கும் !!!

நாட்கள் போதாது ... 

பக்கங்கள் பத்தாது ...

ஏக்கங்கள் தீராது ...

உன்னை வர்ணிக்க !!!

நண்பர்கள் கூட்டம் 

எப்போதும் உன் நாட்டம் ...

நல்லது மகனே ...

நல்ல தோழமை போதும் 

நாம் விண்ணை தொட !!!

ஏற்றத்தாழ்வு பாராதே ...

ஏமாற்ற நினைக்காதே ...

எப்போதும் உயர்வாய் எண்ணு ...

உழைப்போடு உன்னதமாய் நீ வாழ !!!

முதல் நாள் பள்ளி ..

முதல் காவலர் உடை ...

முதல் கிறுக்கல் ...

முதல் தட்டச்சு ..

முதல் எழுத்துக்கள் ...

அளவில்லா பூரிப்பு ..

உன் வளர்ச்சி காண ...!!!

முயன்றால் முடியும் தம்பி ...

நடத்தி காட்டு  ...!!!

நாங்கள் உன் பக்கம் !!!

இனிய பிறந்த நாள் நல் வாழ்த்துக்கள் 

ஆசை முத்தங்களோடு !!!

வண்ண மகள் !!!

வண்ண மகள் !!!

தாயோடு சண்டையிட்டு...
உறவோடு உரக்கமோதி ...
ஆசையோடு ஆர்ப்பரித்து ...
புதுமையாய் புனையேற்றி ...
உன்னோடு கதை பேச ..
ஓடோடி உனை உரச ...
கரையோரம் கவின் தேடி ...
இதழோரம் கவிதை பாடி ...
வாராளாம் வண்ண மகள் !!!
அலையெனும் சின்னஞ்சிறுமி !!!

நடுநிசி விழிநீர் !!!

மனதோரம் நினைத்தாலே 

சோர்ந்து விடும் என் மழலை ...

நினைவு முழுதும் நானென்றால் 

நிச்சயம் மயங்கியே விடுவான் ...!!!

அவனோடு விளையாட ...

அவனாக நான் மாற ...

அயராது கதை பேச ...

பிரியாது பிறை பார்க்க ...

தோணாத கற்பனைகள் ...!

நினைக்காத நிஜங்கள் ...!!

நிகழ்த்தியே காட்டும் அவனுக்கு 

நிகர் அவனே தான் ...!!!

பல நேரங்களில்

சிங்கம் IPS..!

சில நேரங்களில்

வீரமாய் வேஷ்டியில் ..!!

அசத்தும் ஆங்கிலம் -அவனின் 

அனேக பேச்சு ..!

அப்பிச்சி அறிந்த சங்க 

தமிழ் உன் மூச்சு ...!!

தாத்தா  தந்த தன்னடக்கம் ...!

பாத்தா பழகிக்கொள்ளும் 

பளீர் ஞானம் ...!!

அப்பத்தா தப்பித்த 

முரட்டு அடி ..!

அத்தைகள் வெக்கப்படும் 

வித்தை வினாக்கள் !!

ஆயாவை மிரட்டும் 

ஆளுமை நேர்த்தி ..!

சித்தப்பாவை சிறைபிடிக்கும் 

அதீத யுக்தி !!

மாமாவை மயக்கும் 

மந்திர பேச்சு ..!!

சித்திகள் சிணுங்கும் 

செல்ல கிச்சில்கள் !!!

அம்மாவை ஆறுதல் படுத்த ..

அப்பா பிழை திருத்த ...

ஆசானும் ஆச்சர்யப்பட ...

எங்கடா நீ அனுபவ பட்டாய் ???

என்னோடு இருந்து விடு ... 

இங்கேயே இரு அப்பா ...

தங்காத வார்த்தைகளா ???

தாங்காத வடுவுகளா ???

என் தங்க மீனே ...

திரவியம் வேண்டி ...

தேசம் தாண்டி ...

பாசம் தொலைத்த 

பாவியடா நான் !!!

புரியாமல்  பிரியவில்லை ..

பிரிவால் புரியாமலும் இல்லை .. 

பாரதம் பண் பட்டிருந்தால் 

பாட்டாளி வீண் போயிருப்பாரா???

பட்டாளி விலை போயிருப்பேனா  ???

விண்ணை பிளக்கும் அழுகை ..

தன்னிலை மறக்கும் பேச்சு ...

அள்ளி கொஞ்சும் அலாதி

சுகம் தொலைத்த துரோகியடா !!!

திண்ணை பள்ளி முன்னமே மூட ...
பண்ணை வீடு தென்னை உதிர ...
என்னை வளர்த்த சொந்தம் பிரிய ...
உன்னை வார்த்த என் மனைவி ஏங்க ...

அன்னையிடம் நீ உறங்க ...
அன்னைதேசம் நான் உதற ...
ஆசையாடா அனாதையாய்
அந்நிய தேசத்தில் வாழ ???

நடுத்தர தகப்பனுக்கு தான்
தெரியும் ...நடுநிசி விழிநீரின்
விசித்திர வலிகள் !!!

சீக்கிரம் வருகிறேன்...
சம்மதம் சொல்கிறேன் ...
சத்தியமாய் நம்பு - இந்த
முறை கடைசி என்று ...!!!

அன்பு அப்பா ,
முரசொலி க

பெண்ணல்ல !!! 

பார்த்தவுடன் காதல் !!!
பழகியவுடன் தேடல் !!!
விரல் சேர்த்தவுடன் ஊடல் !!!

கருப்போ சிவப்போ ..
மாற்றலாம் பிறகு ...
என் தேர்வு ஊதா தான் !!!

இறுக்கி அணைப்பது நான் !!!
உருகி தவிப்பது நீ !!!
வருடி வார்ப்பது நீயும் நானும் !!!

மல்லியாய் சுண்டி இழுப்பது ..
மெல்லிடையா .. சங்கு கழுத்தா ???
வல்லினம் வாழ்வது உன்னாலே !!!

இதழ்களின் எச்சில்கள்...
வரைந்த கோலங்கள்...
அத்தானை மயக்கும் ...
அத்தனை அழகு !!!

எனக்கு மட்டுமே சொந்தம்!!!
எனது புதிய பந்தம் !!!
பெண்ணல்ல !!!
பென் (Pen ) அவள் .. !!! :)

தூரம் வந்ததால் 

துரோகி ஆனேன் ...

யாரும் இல்லையால் 

பாரம் ஆனேன் .. 

வெடிச்சத்தம் கேக்கலையே 

படுக்கத்தான் தோனலையே ..

நிமிடந்தான் நகரலையே 

சுகம் எதுதான் தெரியலையே ....

பலகாரம் மனக்கலையே 

மனக்கிளிதான்  மறக்கலையே ..

அதுரசம் கிடைக்கலையே 

வெறும்  ரசமா குடிக்கிறேனே ..

புதுத்துணி போடலையே 

தாவணிகள் பார்க்கலையே ..

என் ஆத்தா பெத்த நேரம் 

அரைக்கால் விநாடி கூட 

அவ மடிதான் கிடைக்கலையே ...

தெக்கத்தி சீமையிலே 

சீமானா திரிஞ்ச பய ..

பாதகத்தி கண்ணு பட்டு 

பல மயில் தூரத்துல 

சில மெயிலு அனுப்பிக்கிட்டு 

சிக்கி தவிக்கிறேனே சிவபெருமானே ....

கோவில் குளம் இங்க இல்ல 

அருகில் பேச யாரும் இல்ல ...

பணத்துக்கு பஞ்சமில்ல

பாசத்துக்கு நீ எங்க புள்ள  ???

மூணு முடிச்சு போட்டேன் 

நானும் பெரிய மனுஷன்னு ...

முழுசா மூணுமாசம்

 சேர்ந்து இருக்கல ???

பாளா போனத படிச்சு 

பாரினுக்கு வந்ததால ..

பிள்ள முகம் தேடுதுனு 

ஸ்கை வழியா ஸ்கைப் ல பார்த்தா 

பாதி நேரம் கேசட் சிக்கி சிக்கி ஓடுது ...

மீதிநேரம் மிக்கி மவுசு ல பய புள்ள பிசி ...

சொத்து சுகம் வேண்டாம் புள்ள ....

நீ சத்த சாஞ்சா  போதும் ..

நெஞ்சாங்  கூடு நேரா மோட்சத்துக்கு ...

வெடிச்ச வெடி காகிதம் சேர்த்து 

சந்தோஷ பட்ட நாட்கள் எங்கே ...

திண்ட பலாகாரம் செரிக்காம 

கஷ்ட பட்ட நாட்கள் எங்கே ...

துணி கலையாம அடுத்த நாளு 

ஸ்கூல் கு அலப்பறையா போன நாட்கள் எங்கே ..

அத்தனையும் தொலைச்சிட்டு 

அத்த மகளையும் சீண்டாம ...

பெத்த பிள்ளையும் பார்க்காம ..

போந்தா கோழி மாதிரி 

இனிமேலும் இருக்க கூடாதுன்னு ...

இறைவைனை திட்டுவோமாக .....

அனைவருக்கும் இந்த 

வடவன்பட்டி வாலிபனின் 

இனிய தீபாவளி 

நல்வாழ்த்துக்கள் ....!!!

கபடம் இல்லா காதலோடு ...

சிறு வயதில் தமிழ் நாட்காட்டி எனக்கு சொல்லுவதெல்லாம் இன்று அரசு விடுமுறையா ???

இளம் வயதில் இன்று என்ன ராசி பலன் ...

வாரத்திற்கும் ஜோசியம் சொல்லும் இந்த நாட்காட்டி ...

கொரியாவிலும் தினமும் கிழிக்கிறேன் :) .. 

இன்று திங்கள் கிழமை வேறு .... நான் கண்டதோ அரசு விடுமுறை .. ..

அப்பப்பா அவ்வளவு மகிழ்ச்சி .. 

புன்னகையோடு என் மனைவியிடம் இன்று விடுமுறை ஸ்ரீ என்றேன் .. 

அவளும் சின்னதாய் புன்னகைத்து போய் வாருங்கள் மாமா ... 

அது தமிழ்நாடு அரசு விடுமுறை என்றாள் ...

வயதால் குழந்தையாக முடியாவிட்டாலும்...

அவ்வப்பொழுது மனதால் குழந்தையாகி விடுகிறோம் இருவரும் ... 

கபடம் இல்லா காதலோடு ...

ஆளவந்த அரசன்  ....!!!

எங்கள் வாழ்விற்கு வரமாய் ...
உணர்வுக்கு உயிராய் ....
உறவுகளுக்கு உற்றவனாய் ...

உலகை ஆள வந்த என் கண்ணா ...

பொக்கிஷம்  நீ ..!!!

கவலை மறப்போம்  

         ....உன் புன்னகை கண்டு ..

சண்டைகள் துறப்போம் 

          ....உன் மிரட்டல் கண்டு ...

நன்றிகள் உரைப்போம் 

           ....உன் வளர்ச்சி கண்டு ...

பிள்ளை நிலா நீ ...!!!

நித்தம் நீ நித்திரையில் 

நீங்காது தேடுகிறாய் ...

நீ தூங்க.. நாங்கள் விழித்திருக்க ..

உன் தேடலில் உறக்கம் மறக்க ...

அன்பின் ஊற்று நீ ...!!!

ஆம்!!!

எங்கள் அன்பின் ஊற்று நீ ...

எங்கள் பொக்கிஷம் நீ ...

எங்கள் பிள்ளை நிலா நீ ..

உன்னோடு உறைந்திருக்கும் 

உன் தாத்தா ஆசியோடு ..

அன்பை கொட்ட ஏங்கும் நம் 

அன்பு உறவுகளின் வாழ்த்துக்களோடு ..

உன் இனிய நினைவுகளில் ...

கொரியா தேசத்தில் நிகழும் ...

அழகிய பிறந்தநாளும் இணையட்டும் ...!!!

அளவில்லா முத்தங்களோடு ..

அப்பா அம்மாவின் அன்பு ..

பிறந்தநாள்  வாழ்த்துக்கள் 

எங்கள் சிற்றரசருக்கு !!!