நீயாக நானில்லையே ....!!!

நீயாக நானில்லையே ....!!!

செவி மடல்கள் 

கவ்வி மகிழும் 

நீயாக நானில்லையே ....

இமையோரம் உன் 

இம்சை ...

தோளோடு உன் 

தோழமை ...

பின் கழுத்தை

தாவி பிடித்துமா உன் 

தாகம் குறையவில்லை ...???

முகம் மறந்த

முதுகோடு முத்தமிட்டே 

மோகம் தீர்க்கும் 

நீயாக நானில்லையே ...

மல்லிகையை 

உதிரும் வரை நீயே 

உயிரூட்டி உலாவுகிறாய் ...

தண்டுவடத்தொடு 

தாண்டவம் ஆடுகிறாய் ..

திட்டமிட்டே திமிராய் 

அவள் தாடை தொட்டு 

அகங்களை நாசம் செய்கிறாய் ..

ஒய்யார நடை காண 

ஓயாமல் நாணப்பட்டு

மெல்லிய இடை இடித்து  

சொர்க்கம் காண்கிறாய் ..

மேலும் எழுத என் உயிர் 

என்னிடம் இல்லை ..

நிகழ்கால நிலவுகளிடம்
அவ்வளவும் இல்லை .. 

கார் கூந்தலே கர்வம் 

கொள்ளாதே ...

இரண்டாம் பிறவி 

நீயாக நானிருப்பேன் ...!!!

அவள் தானா நீ ???

உன்னை சுற்றியே நினைவுகள் 

ஓயாமால் சுழலுதே ???

நீயா அவள் !!!

சுற்றிய நினைவுகள் சுகமாய்

நெஞ்சத்தில் உறங்குதே ???

நீயா அவள் !!!

உறங்கும் உணர்வுகளை உடனே 

தூண்ட செய்கிறாயே ???

நீயா அவள் !!!

செய்த செயலையே பலமுறை 

தவறாகவே முடிய வைக்கிறாயே???

நீயா அவள் !!!

முடிந்த வாழ்வையே துளிர்க்க 

செய்கிறாயே ??? 

நீ தானா என் தேடல் ???

நானும் அவளும் ..!!!

அரை நொடி கூட 

அகலாத அவள் நினைவுகள் 

என் ஆயுள் முடிவுக்கு பின் 

எங்கே போகும் ???

புரியும் முன்னே என்னுள் 

புதைந்த பூவசமே ,

சுவாசம் முழுதும் உந்தன் 

உணர்வே ...!!!

விழிகளுக்கு விடை சொல்லி 

நீ செல்லும் ஒவ்வொரு நிமித்தமும் ,

விடைதெரியா விழிநீருக்கு 

அணை கட்ட கரிகாலன் இல்லையே ????

நினைவில் நீ மட்டுமே,

நித்தமும் நிறைவவள் !

கனவில் நீ  மட்டுமே,

காரணமின்றி கலப்பவள்  !!

உணர்வில் நீ மட்டுமே,

உரிமையோடு உறைந்தவள்  !!!

உலகில் நீ மட்டுமே ,

எனக்காக பிறந்தவள் !!!

நீ மட்டும் போதும் நிஜமாய் 

வாழ்வதற்கு .. !!

வாழ்ந்த காலம் போதும் 

இறந்தாலும் வாழ்வதற்கு ..!!

அன்புடன் ஆசையாளன் ...

வாழ்த்துக்கள் பல ...!!!

திருமணம்  இரு மனம்
இணைவது மட்டும் அல்ல ..
சொந்தங்களும், சுகமான
உறவுகளும், அலாதியான அன்பை
 உளமாற பகிர்ந்துகொள்ளும்
 ஒரு உற்சவம் ...!!!

பந்தல் கட்டுவதிலிருந்து
பந்தி பரிமாறுவது வரை
ஒரே குடும்பமாய் ஊரே
குதூகலம் அடையும்
உன்னத திருவிழா !!!

உறவுகளின் உற்சவ திருநாளில்
ஒருவனாய் நானும்
இருக்க அவ்வளவு ஆசை தான் ...
பணியின் நிமித்தம், பங்கேற்க இயலவில்லை ...!!!

நான் பிறந்த அந்த கரிச காட்டில்
நாளை மணநாள் காணும்
ஜெயசெல்வம் -ராஜாத்தி
ராஜபாண்டி - இலக்கியா
இரு ஜோடிகளும்
புரிதலோடு ,புன்னகையோடு
தீராத பாசத்தோடு ,
அழகான பிள்ளைகள் பெற்று
ஆயுளோடு வாழ வாழ்த்துகிறேன் !!!
நட்புடன்
முரசொலி .....

அன்புடன் ஆசையாளன் !!!

குளிரும் மார்கழியில் 

ஆவலாய் அள்ளி அணைக்க 

அவளாய் நீ இல்லையே ???

உறக்கத்திலும் உதடு கவ்வி 

உமிழ்நீரால் உனை உணர 

உற்றவளே நீ இல்லையே ???

தினமும் நீ எழும் முன் 

எழுமா என் எண்ணம் ???

இருளிலும் என் இமையிலே 

இயல்பாய் உன்முகம் 

ஓயாமல் ஒளிரும் 

மாயமென்ன மானே ????

கூந்தலின் இடுக்குகளில் 

சுகம் காணும் விரல்களுக்கு 

விரதமா இந்த நாட்கள் ????

கருவிழியின் காட்சிகளில் 

மேகமும் உன் முகம் வரைந்து 

மோகத்தை மூட்டுவது தகுமா ????

நாசாவால் என் நாசிகள் வேற்று 

கிரகத்துக்கு கடத்தபட்டதோ????

வாடை காற்றிலும் உன் 

வாசனை உள்வாங்கும் அவைகளை 

மல்லிகையையும் மயக்கவில்லையே ???

செவி மடல்களோடு சேர்ந்தே இருக்கும் 

வண்ண வண்ண காதணிகள் 

முனுமுனுக்கும் காதல் ரீங்காரம் 

கண்ணே கேட்கவில்லையா????

சாலையின் வளைவுகளில் 

சாய்ந்தே பயணிக்கின்றது 

என் இரு சக்கர வாகனம் ...

பாவம் அது .. சேலையின் வளைவுகள் 

கைகூடவில்லையே ???

ஒரே இடத்திலே ஓயாமல் 

நடக்கின்ற என் கால்களின் 

காரணம் யாரறிவார் ....???

அடியே நீயாவது அறிவாயா ???

உனைசேர ஓடும் இந்த

ஆசையாளனின் விருப்பமே 

பூமியை சுழற்றி  தினமும் உனை தேடுதோ ???

பூவிதழும் பூவிழியும் ...

இதழின் புன்னகை இரவல் தான் 

நம்மில் பலருக்கு .....

இரவிலே காதல் செய்ய ஏனோ விழி  

அது கண்ணீரை  தேடுகிறது ....

கடல் நீர் இவ்வளவு சேர 

உலகில் எவ்வளவு விழிகள் 

அழுகையோடு சிரித்திருக்க வேண்டும் ....

அழும் மழலையின் மனம் 

அடுத்த நொடியே சிரிக்கும் ...

ஆறடி வளர்ந்த பின்னும் 

அழுகை தான் மீண்டும் உன்னை 

மழலை ஆக்குகிறது ...

மனசின் பாரங்களை 

விழிநீரால் லேசாக்க ..

மனோதோர குப்பைகளை 

கண்ணீரால் காணாமல் செய்ய ....

சாய்ந்தழ ஒரு தோள்...

சேர்ந்தழ இரு விழி ..

தேவை தானே ????????????

விழிநீர் வடிந்தால் 

வீரமற்றவன் அல்ல ....மாற்றாக ...

மீண்டும் பிறப்பவன் ....

உறங்காமல் அழும் கண்களும் 

உரக்க அழும் தனிமையும் 

என்றும் இனிமையானதே .....

ஆசை கொள்வாயா அடுத்த பிறவிக்கு ???

இறைவன் கொடுத்த
இனிய வாழ்வில்
கிடைத்த உறவுகள் ,
கிடைக்காத பந்தங்கள்!!!
பதிந்த நினைவுகள் ,
பாதித்த நிகழ்வுகள் !!!
புதைந்த கனவுகள் ,
வதைத்த தவறுகள் !!!
விவாதித்த வினாடிகள்,
விவரித்த விவாதங்கள் !!!
அணைத்த நண்பர்கள் ,
அணைந்த ஆத்மாக்கள் !!!
நிருபித்த நிமிடங்கள் ,
நிராகரித்த தருணங்கள் !!!
அனைத்தையும் அசைபோட்டால்
அற்புதமான வாழ்வில்
அற்பமான ஆசையால்
இழந்தவையும் இனித்தவையும்
இனியாவது புரியும் நமக்கு !!!