பிறந்தநாள் வாழ்த்துக்கள்..

என் அன்பு மகனுக்கு ....

இரண்டு வருடத்தில் நீ எனக்கு

புரியவைத்த கோடான கோடி 

உணர்வுகள் வேண்டும் ...

யாரும் யாரையும் உணராத 

அமெரிக்கா வேண்டாம் !!!

மழலை சொற்களை மகனே 

நீ உச்சரிப்பதால் கிடைக்கும் 

மங்காத சந்தோசம் வேண்டும் ...

தொலைபேசியில் உன் குரல் கேட்கும் 

தொழில்நுட்பம் வேண்டாம் !!!

மாலை ஆனால் உன் முகம் 

பார்க்கும் பாரதம் வேண்டும் ...

தேடும் போதெல்லாம் ஆன்-லைன்-ல் 

பார்க்கும் அறிவியல் வேண்டாம் !!!

ஆரவாரமாய் விளையாடும் அந்த  

நொடிகள் தான் வேண்டும் ... 

ஆறடி பாதையில் அமைதியான 

வாக்கிங் வேண்டாம் !!!

நீ சிதறிய படியே உன்னுடன் 

உண்ணும் உணவுதான் வேண்டும் ...

மேலும் கீழும் பார்த்து ... மேலே சிறிது 

இலைதழை போட்டு ... முடியாமல் உண்ணும் 

மேற்கத்திய சக்கை வேண்டாம் ....!!!

அம்பது டாலர் அவசியம் இல்லை .. !!!

நமது டூ-வீலர் அவசியம் வேண்டும் ....

ஆட்டோ - களை துரத்தி உன் ஆசை தீர்க்க !!!

இன்று உன் பிறந்தநாள் ... எத்தனையோ 

பொருட்களை இறக்குமதி செய்தாலும் ...

இந்த நாள் பிரிவு ... இணை செய்ய முடியாதது ..

வாழ்வில் சந்தோசமாக .. சாமர்த்தியமாக 

சாணக்கியனாக ... சச்சினாக ... வாழ்ந்திட 

வாழ்த்தும் உன் அப்பா ...

முரசொலி ....

நிஜமே வேண்டும் ...!!!

நினைவுகள் நிஜமாகவே - என் 

நித்திரை கலைப்பதை - உன் 

முகத்திரை நிலைப்பதை - தன்

அகத்திரை நீக்கி நிலவு பேசுவது 

இந்த செங்கந்தால் மலருக்கு 

புரியாத என்ன ???

கணக்கும் இதயத்துலே.....

தாண்டிய கடல்களுக்கு தெரியும் ..

மோதிய அலைகளுக்கும் புரியும் ..

பிறப்பால் உணராத பிரிவின் வலியும் ..

காணமல் கசிந்த கண்ணீரின் அளவும் ...

நீயாக நானில்லையே ....!!!

நீயாக நானில்லையே ....!!!

செவி மடல்கள் 

கவ்வி மகிழும் 

நீயாக நானில்லையே ....

இமையோரம் உன் 

இம்சை ...

தோளோடு உன் 

தோழமை ...

பின் கழுத்தை

தாவி பிடித்துமா உன் 

தாகம் குறையவில்லை ...???

முகம் மறந்த

முதுகோடு முத்தமிட்டே 

மோகம் தீர்க்கும் 

நீயாக நானில்லையே ...

மல்லிகையை 

உதிரும் வரை நீயே 

உயிரூட்டி உலாவுகிறாய் ...

தண்டுவடத்தொடு 

தாண்டவம் ஆடுகிறாய் ..

திட்டமிட்டே திமிராய் 

அவள் தாடை தொட்டு 

அகங்களை நாசம் செய்கிறாய் ..

ஒய்யார நடை காண 

ஓயாமல் நாணப்பட்டு

மெல்லிய இடை இடித்து  

சொர்க்கம் காண்கிறாய் ..

மேலும் எழுத என் உயிர் 

என்னிடம் இல்லை ..

நிகழ்கால நிலவுகளிடம்
அவ்வளவும் இல்லை .. 

கார் கூந்தலே கர்வம் 

கொள்ளாதே ...

இரண்டாம் பிறவி 

நீயாக நானிருப்பேன் ...!!!

அவள் தானா நீ ???

உன்னை சுற்றியே நினைவுகள் 

ஓயாமால் சுழலுதே ???

நீயா அவள் !!!

சுற்றிய நினைவுகள் சுகமாய்

நெஞ்சத்தில் உறங்குதே ???

நீயா அவள் !!!

உறங்கும் உணர்வுகளை உடனே 

தூண்ட செய்கிறாயே ???

நீயா அவள் !!!

செய்த செயலையே பலமுறை 

தவறாகவே முடிய வைக்கிறாயே???

நீயா அவள் !!!

முடிந்த வாழ்வையே துளிர்க்க 

செய்கிறாயே ??? 

நீ தானா என் தேடல் ???

நானும் அவளும் ..!!!

அரை நொடி கூட 

அகலாத அவள் நினைவுகள் 

என் ஆயுள் முடிவுக்கு பின் 

எங்கே போகும் ???

புரியும் முன்னே என்னுள் 

புதைந்த பூவசமே ,

சுவாசம் முழுதும் உந்தன் 

உணர்வே ...!!!

விழிகளுக்கு விடை சொல்லி 

நீ செல்லும் ஒவ்வொரு நிமித்தமும் ,

விடைதெரியா விழிநீருக்கு 

அணை கட்ட கரிகாலன் இல்லையே ????

நினைவில் நீ மட்டுமே,

நித்தமும் நிறைவவள் !

கனவில் நீ  மட்டுமே,

காரணமின்றி கலப்பவள்  !!

உணர்வில் நீ மட்டுமே,

உரிமையோடு உறைந்தவள்  !!!

உலகில் நீ மட்டுமே ,

எனக்காக பிறந்தவள் !!!

நீ மட்டும் போதும் நிஜமாய் 

வாழ்வதற்கு .. !!

வாழ்ந்த காலம் போதும் 

இறந்தாலும் வாழ்வதற்கு ..!!

அன்புடன் ஆசையாளன் ...

வாழ்த்துக்கள் பல ...!!!

திருமணம்  இரு மனம்
இணைவது மட்டும் அல்ல ..
சொந்தங்களும், சுகமான
உறவுகளும், அலாதியான அன்பை
 உளமாற பகிர்ந்துகொள்ளும்
 ஒரு உற்சவம் ...!!!

பந்தல் கட்டுவதிலிருந்து
பந்தி பரிமாறுவது வரை
ஒரே குடும்பமாய் ஊரே
குதூகலம் அடையும்
உன்னத திருவிழா !!!

உறவுகளின் உற்சவ திருநாளில்
ஒருவனாய் நானும்
இருக்க அவ்வளவு ஆசை தான் ...
பணியின் நிமித்தம், பங்கேற்க இயலவில்லை ...!!!

நான் பிறந்த அந்த கரிச காட்டில்
நாளை மணநாள் காணும்
ஜெயசெல்வம் -ராஜாத்தி
ராஜபாண்டி - இலக்கியா
இரு ஜோடிகளும்
புரிதலோடு ,புன்னகையோடு
தீராத பாசத்தோடு ,
அழகான பிள்ளைகள் பெற்று
ஆயுளோடு வாழ வாழ்த்துகிறேன் !!!
நட்புடன்
முரசொலி .....